LES TWEE

DANIËL WORD 'N HEERSER

KERNWAARHEID VAN DIE LES

God is getrou. Hy hoor en beantwoord sy kinders se gebede.

DIE DOEL

i) Om die Christen kind te leer dat hy met vrymoedigheid sy moeilikhede na God kan neem.

ii) Om die ongeredde kind te leer dat hy sy kernprobleem, naamlik sy sonde, aan God kan bely en om vergifnis kan vra.

 

SKRIFLESING VIR ONDERWYSER(ES)

Daniël 2 : 1 - 49

TEKSVERS

"As julle in My bly en my woorde in julle, vra dan net wat julle wil hê, en julle sal dit kry." (Johannes 15 : 7.)

(Word aan die klas geleer voor die les.)

VERDUIDELIKING VAN DIE TEKSVERS

"As julle in My bly," beteken "as julle aan My behoort en My vertrou."

"... en my woorde in julle" dui daarop dat ons luister na wat Hy vir ons sê en Horn gewillig gehoorsaam. Dan gee Hy aan ons die wonderlike belofte dat Hy ons gebed sal beantwoord.

VOORGESTELDE LIEDERE

Ps/Ges     Ges. 297 0 God ons wil U …… eer

Ps/'Ges    Ges 299 U. Jesus wat ons vrede is.

Hal. 305:1,4          Ek roep fcot God

Hal. 308   Vader leer my dag na dag

J.S.B. 31  Wees Stil en Weet

J.S.B. 25  Wees Genadig Heer

S & L 8   Daniël het gereeld gebid

S & L 9   Dankie Heer

 

VISUELE HULPMIDDELS

 

Agtergronde: Troonkamer van die paleis; Binneshuis.

Prente: 1. 3, 4, 5, 6, 9a, 9b, 9c, 10, 11, 12. 13, 14. Prente 3, 4, 5 & 6 word in die Bybel gesit.

Teksvers: Skryf die teksvers op 'n groot vel papier of op ligte karton in die vorm van 'n oop Bybel.

DIE LES

Jannie gaan vir die eerste keer met die trein ry. Sy hande bewe terwyl hy die slotte van die klein reistas toesluit. Sy pa het gesê hy hoef nie bang te wees nie, want alles is gereel, maar....! Toe sê hy totsiens vir sy moeder. Jannie gaan vir niemand vertel hoe bang hy is om stokalleen per trein na sy tante in die stad te ry nie.

Sy pa bring horn na die stasie. Hy is bang vir wat op die trein mag gebeur. Hy is bang dat sy tante nie op die stasie sal wees om horn te ontmoet nie.

Terwyl die trein ry, begin Jannie sien dat al sy bekommernis verniet was.  Die kondukteur kom vriendelik met horn praat. Die koerant- verkopertjie bring vir horn appels, lekkers en 'n prentjiesboek om in te kyk. Die tyd gaan aangenaam en gou verby. Toe die trein by die groot stasie inkom, raak hy weer bang. Daar is so baie mense. Waar is sy tante? Maar toe sien hy haar. Sy waai 'n yslike groot serp!

Dit was eers later dat Jannie die geheim agtergekom het. Kan julle dink wat dit was? Jannie se pa het vooraf die kondukteur gevra om na horn te kyk. Hy het ook geld aan die koerant-verkopertjie gegee om eetgoed vir horn te bring. Wat meer is, sy pa het die tante gebel en vertel dat Jannie bang is dat hy haar op die stasie nie sal raaksien nie. Sy pa het vooraf al die reelings getref. Jannie was onnodig bekommerd, nie waar nie?

Kan julle die name van daardie vier jongmanne onthou? Ja, dis Daniël. Sy ander naam was Beltsasar: en Sadrag, Mesag en Abednego. (Haal die prente een vir een uit die Bybel en sit hulle in die Bybel terug.) Hierdie jong manne was weggeneem na ‘n vreemde land. Hulle was seker ook, soos Jannie, somtyds bang, maar hulle het geleer dat God voor  hulle uit gaan en in al hulle behoeftes voorsien.  Hulle het  gevind dat  Hy  elke moeilikheid wat daar was, vir hulle opgelos het. Is dit nie wonderlik om te weet dat, as ons die Here Jesus as Verlosser aangeneem het, ons ook 'n hemelse Vader het wat vir ons sorg nie?

TONEEL EEN

KONING NEBUKADNESAR RAADPLEEG SY WYSE MANNE.

(Daniël 2 : 1 - 13)

Agtergrond: Binne in die Troonkamer van die paleis.

Prente: 1- Nebukadnesar; 9a, 9b, 9c. towenaars, voorspellers, goelaars en sterrekykers.

Die pragtige paleis in Babilon was in oproer. Groot koning Nebukadnesar kon nie slaap nie! Hy het 'n lelike droom gehad. Slegte drome is nie 'n grap nie! Maar hierdie droom van Nebukadnesar was anders. Hy het geweet die God van die hemel was besig om deur die droom met horn te praat. Hy het opgestaan van sy bed en gevlug na sy troonkamer. (Plaas 1)

Daar  was   baie  slim  manne  soos towenaars. voorspellers, goelaars en sterrekykers in Babilon. Die koning het hulle laat kom om horn die betekenis van die droom te vertel (Plaas 9a, 9b, 9c).

"Ek is ontsteld oor 'n droom wat ek gehad het. Ek wil weet wat dit beteken." Het hy gesê.

"0, koning, mag u vir ewig lewe. Vertel ons die droom dan sal ons dit vir u uitlê." Het hulle geantwoord.

Toe word die koning kwaad en sê, "As julle my nie die droom vertel en dit uitlê nie, sal julle in stukke opgekap word en julle huise afgebreek word." 'n Bietjie kalmer sê hy, "As julle die droom vertel en uitlê wat dit beteken, sal julle geskenke en eer van

my ontvang. Gee my dus die droom en sy uitleg."

Nebukadnesar was darem baie onredelik en verkeerd om so kwaad te word. En daardie wrede bevel! Hy was 'n heiden wat God nie geken of gedien het nie, maar wat van ons? Ons word ook kwaad en kan baie gemeen wees. Ons sondig teen God as ons aan Horn ongehoorsaam is, net soos die sondige koning.

Wat kon die slim manne antwoord? "U Majesteit moet die droom vir ons vertel. Dan sal ons dit uitlê." het hulle probeer verduidelik. Maar die koning was alweer kwaad en sê. "Julle weet ek kan nie die droom onthou nie. Julle wil net tyd wen voordat ek julle laat doodmaak. As julle vir my die droom vertel, dan sal ek weet dat julle dit kan uitlê. As julle nie die droom kan vertel nie, dan weet ek dat alles wat julle daarvan uitlê, leuens is."

Die sterrekykers het vir die koning gesê, "Daar is geen mens op aarde wat aan u eis kan voldoen nie. Geen koning het nog ooit so iets gevra van enige towenaar, voorspeller,goëlaar of sterrekyker verwag nie. Wat u vra is te moeilik. Daar is niemand wat dit vir u kan doen nie." Toe was die koning woedend. Hy het beveel dat al die koninklike raadgewers van Babel doodgemaak moes word!

Daniël en sy drie vriende was ook van die koning se raadgewers en sou ook moes doodgemaak word. Hulle was die enigstes wat ware wysheid gehad het. Hulle het God gedien, en die wysheid wat hulle gehad het, het van God gekom. Ons weet dat hulle tien keer slimmer was as die towenaars, voorspellers, goëlaars en sterrekykers van Babilon wat aan die valse gode geglo het.

Dit was ook nie lank nie of die koning se lyfwag was voor Daniël se deur. (Verwyder prente.)

 

TONEEL TWEE

DANIËL PRAAT MET ARJOK

(Daniël 2 : 14 - 15)

Agtergrond: Binneshuis

Prente: 3, Daniël: 10, Arjok

 

Toe Daniël sy deur oopmaak, staan die koning se lyfwag, Arjok, voor die deur. (Plaas 3 uit die Bybel en ook 10.) Daniël weet dit beteken net een ding. Hy en sy vriende word stukkend gekap soos die ander koninklike raadgewers van Babilon. Maar God het aan Daniël groot wysheid gegee, en hy sê aan Arjok, "Waarom is die koning so haastig met hierdie bevel?" Toe vertel Arjok aan Daniël hoe kwaad die koning was omdat geeneen van die raadgewers die koning se droom vir horn kon vertel nie. (Verwyder 10)

Daniël het dadelik geweet wat die Here van horn wou hê. Hy moes na die koning gaan. Daniël was 'n jong man. Hy het geweet dat die koning kwaad was. Sou die koning nie weier om horn te sien nie? Of sou die koning horn laat dood maak? Dit was vir Daniël onbelangrik. Hy moes net die Here se wil uitvoer, want hy was 'n man wat die Here God die eerste plek gegee het in sy lewe. (Verwyder 3)

TONEEL DRIE

DANIËL VOOR DIE KONING

(Daniël 2 : 16)

Agtergrond: Troonkamer van die paleis.

Prente: 1- Nebukadnesar; 3- Daniël; 4- Gananja; 5- Misael; 6- Asarja.

(Plaas 1 en 3)

 

Daniël gaan in.  Die koning luister! Daniël vra. "Gee my meer tyd en ek sal u die droom en die verklaring daarvan vertel."

Wat sou Daniël van plan wees om te doen? (Laat kinders antwoord.) Ja, hy is van die koning weg, reguit na sy drie vriende wat ook in God glo. (Verwyder 1 en 3. Neem 4, 5 an 6 uit die Bybel en wys hulle.) - Gananja, Misael en Asarja.

Dit is wonderlik om iemand te ken wat saam met ons en vir ons kan bid wanneer ons probleme het. Weet julle, Jesus het vir ons beloof dat waar twee of drie van sy kinders in sy Naam saam is, daar is Hy by hulle (Matteus 18 : 20).

TONEEL VIER

DANIËL EN SY VIER VRIENDE BID

(Daniël 2 : 17 - 18)

Agtergrond: Binneshuis

Prente: 3- Daniël; 4- Gananja; 5, Misael; 6- Asarja; 11- 12 en 13: Gananja, Misael en Asarja wat bid.

Daniël vertel aan sy vriende wat met horn gebeur het. (Plaas 3, 4, 5 en 6.)

Hy vertel dat hy voor die koning verskyn het en dat hy die koning belowe het om aan horn sy droom en die verklaring daarvan te gee. Toe sê Daniël, "Bid tot God, ons God, die enigste God, dat Hy die geheim aan my sal vertel. God weet wat die koning gedroom het en Hy weet die betekenis daarvan. Hy sal dit aan my vertel. Bid saam met my dat Hy my sal wys wat dit is, sodat die koning sal weet dat ons God die ware en enigste God is, en dat ons nie sal sterwe saam met die raadgewers van Babilon nie." (Verwyder 3, 4. 5 en 6. Plaas 11. 12 en 13.)

Daniël se vriende het ernstig tot God gebid. Dit was verstandig. As ons probleme het, is dit die eerste ding om te doen – vertel ons hemelse Vader daarvan en vra sy hulp. Wat het ons Bybelvers ons geleer? (Herhaal dit tesaam.)

God het die drie vriende se gebed verhoor. Hy wys vir Daniël wat die koning gedroom het en wat dit beteken. Hoe bly en dankbaar was hulle! (Verwyder 11, 12 en 13.)

 

Toe Koning Nebukadnesar so woedend kwaad was, het hy die oond sewe keer warmer as gewoonlik laat maak. (Plaas 15, 17 en oond)

Daarna beveel hy sterk manne om Sadrag, Mesag en Abednego vas te bind en in die oond te gooi. Die koning se bevel was dringend en die oond was baie warm. Toe die oond se deur oopgemaak word, het die vlamme by die deur uitgeskiet. So erg was die hitte dat die manne wat Sadrag, Mesag en Abednego in die oond moes gooi, doodgebrand het. (Plaas 19 en 20.)

Die mense rondom het hard geskreeu, want hulle het gesien dat die drie Hebreeuse manne nie gebrand het nie. Die vlamme het geen  krag  oor hulle  gehad  nie.  Koning Nebukadnesar was verbaas. Verskrik het hy vir sy raadgewers gevra:  "Het ons nie drie vasgebinde manne in die oond gegooi nie?" Hulle   antwoord:   "Dis   waar,   o   Koning." Nebukadnesar antwoord: "Kyk, ek sien vier manne los loop in die middel van die vuur en hulle brand nie ... en die vierde lyk soos 'n hemelwese!"

Dis 'n troos om te weet, dat as ons in benoudhede is, die Here daar is om ons te help. Die warm oond en die vuur laat ons aan moeilike tye dink. Die Here het gesê: "Wanneer jy deur die vuur loop, sal jy nie brand nie; ook sal die vlamme jou nie skroei nie"; (Jesaja 43 : 2) Ons kan dit so stel: "Wanneer jy probleme het, sal hulle jou nie ondersit nie."

Party mense dink as hulle Christene word, sal hulle net altyd gelukkig wees. Dis nie waar nie. Baie mense wat aan God getrou is, het moeilikhede. Maar daar is een verskil. Seuns en dogters wat gered is, het die Here Jesus saam met hulle in hul moeilikheid. Net soos die Seun van God, in die warm oond saam met Sadrag, Mesag en Abednego was.

Miskien  het  jou  Ma  en  Pa  baie probleme. As julle nou huis toe gaan, vertel hulle dat Jesus met hulle in hierdie probleme is. As hulle Horn nie ken nie, vra die Here om jou te gebruik om jou ouers na Horn te bring sodat hulle ook vir Horn kan leer ken. (Onderwyser/es: Wees voorbereid om 'n kind wat dit wil doen te help met raad en ook 'n Boekie sonder Woorde of traktaat wat hy/sy kan gebruik om te getuig.)

Toe   Nebukadnesar   iemand   soos   'n hemelwese in die oond saam met die drie jong manne sien, kom hy nader na die oond (verskuif 15 effens) en roep: "Sadrag, Mesag en Abednego, dienaars van die allerhoogste God, kom uit hierheen!" (Verwyder 19 en 20 en plaas 4, 5 en 6.) Toe hulle uitkom uit die vuur, drom die prinse, goewerneurs, kapteins en al die groot manne saam om hulle te sien. (Skuif 17 nader.)

Hulle ruik nie eens na rook nie! Nie een haar op hulle koppe is geskroei nie!

Toe sê Nebukadnesar: "Aan die God van Sadrag, Mesag en Abednego kom die eer toe, ... wat sy dienaars wat op Horn vertrou, Gered het ... hulle was bereid om eerder hulle lewe te verloor as om enige god behalwe hulle God te dien of te aanbid." Wat was die belofte in ons teksvers? (Herhaal dit te saam.) Het God sy woord gehou  aan Sadrag,  Mesag  en Abednego? Sal Hy Sy woord hou aan jou? Natuurlik! Toe het die koning 'n bevel uitgevaardig. (Lees die bevel uit die Bybel – Daniël 3 : 29 asook vers 30.)

SLOT

Het julle opgelet dat Nebukadnesar gesê het daar is geen ander god soos die God van Daniël nie, maar hy het nie God as sy EIE God aanvaar nie? Hy het homself nie erken as 'n sondaar wat God se redding nodig gehad het nie. Miskien het jy ook van Jesus gehoor van kleins af. Jy weet dat, toe Hy gesterf het, Hy gestraf is vir die sonde wat jy doen. Jy weet dat Hy opgestaan het uit die dood en dat Hy lewe, maar jy het Horn nog nooit as jou Verlosser aangeneem nie.

Die Here Jesus het vir almal gesterwe, maar as jy gered wil word, moet jy hierdie Here Jesus  as jou  Saligmaker persoonlik aanneem. Wil jy dit vandag doen? Na die klas, kan ek vir jou verder help om meer te weet. Kom na my toe nadat ons afgesluit het.